Gjykata Themelore në Prishtinë ka vendosur të vazhdojë masën e paraburgimit edhe për dy muaj të tjerë (secili veç e veç) për pesë të dyshuarit në rastin e vrasjes së Premtim Gashit, i ndodhur më 1 shtator 2024 në lagjen Aktash në Prishtinë.

Të dyshuarit përfshijnë Korab Gashin, Valdrin Ademin, Robert Llumnicën, Salih Sekiraqën dhe Fatos Abazin.

Lajmin për Arbresh.info e ka konfirmuar zëdhënësja për informim e kësaj Gjykate, Mirlinda Gashi.

“Ju njoftojmë se pas kërkesës së Prokurorisë Themelore në Prishtinë për vazhdimin e masës së paraburgimit në çështjen penale ndaj të pandehurve K.G, V.A, R.Ll ,S.S dhe F.A. Gjykata Themelore në Prishtinë – Departamenti për Krime të Rënda me datë 01.04.2025 ka aprovuar kërkesën e PTHP-në, për vazhdimin e masës së paraburgimit ndaj të pandehurve K.G, V.A, R.Ll ,S.S dhe F.A., të njëjtëve masa e paraburgimit iu është vazhduar në kohëzgjatje prej (2) muaj, për secilin”, tha Gashi./Arbresh.info